Gani Zhaksimbet

Тұлға қалыптастыру департаменті Қыздар көшбасшылығы және кәсіпкерлік орталығының ұйымдастыруымен “Speaking Club” тегін курсы өтті.

Мақсаты: білім алушылардың ағылшын тілінде еркін сөйлеу қабілетін қалыптастыру және қарым-қатынас дағдыларын жетілдіру.  Бағдарлама: Түрлі тақырыптарда пікір алмасу; Топтық ойындар мен талқылаулар; Интерактивті әдістер арқылы сөйлеу машықтарын дамыту.

Тұлға қалыптастыру департаменті, Қыздар көшбасшылығы және кәсіпкерлік орталығы «Тұлғалық даму және көшбасшылық: жетістік формуласы» тақырыбында мотивациялық кездесу ұйымдастырды.

Шараның арнайы спикері – PR & Media продюсері, artgala.kz платформасының негізін қалаушы Диана Бакытбергеновна Бакбергенова болды. Ол студенттерге көшбасшылық дағдыларды дамыту, өзін-өзі таныту және кәсіби ортада табысқа жетудің тиімді жолдары туралы өз тәжірибесімен бөлісті. Кездесу интерактивті форматта өтті: білім алушылар сұрақ қойып, пікір алмасты. Әртүрлі факультеттерден қатысқан студенттер жаңа идеялар мен практикалық кеңестер алып, өз кәсіби мақсаттарына жетуге ерекше мотивация алды. Шара БҰҰ-ның Тұрақты даму мақсаттары, IV бағыт – «Сапалы білім» аясында ұйымдастырылды.

Қыздар көшбасшылығы мен  кәсіпкерлік орталығы 1-курс студенттеріне арналған мотивациялық дәрістер циклін жалғастырды. Дәріс Педагогика және психология институтында өтті.

Келесі спикер – қаржыгер, экономика ғылымдарының кандидаты, MSc Finance (Ұлыбритания), қаржы директоры Айгерім Ильясова. Оның қаржы саласындағы тәжірибесі 15 жылдан асады.

Дәрістің мақсаты:

• ТДМ 4 – Сапалы білім: қаржылық сауаттылықты арттыру арқылы студенттердің білім көкжиегін кеңейту.
• ТДМ 8 – Лайықты жұмыс және экономикалық өсу: кәсіпкерлікке ынталандыру және табысты мансап құруға бағыт беру.

Қаржыны дұрыс басқару – табысты өмірдің кепілі. Бұл дәріс студенттерге өз қаржысын сауатты басқаруға және болашағын сенімді жоспарлауға көмектеседі.