Akdidar Adil

Тұлға қалыптастыру департаменті, Қыздар көшбасшылығы және кәсіпкерлік орталығы студенттердің тұлғалық дамуын қолдау, көшбасшылық әлеуетін арттыру және hard skills дағдыларын жетілдіру мақсатында «Ораторлық өнер: сенімді сөйлеу мен өзін таныта білу жолдары» тақырыбында шеберлік сабағын ұйымдастырды.

Іс-шараның арнайы қонағы ретінде танымал медиа-тренер, кәсіби оратор, «Сила голоса» жобасының авторы Абай Асылхан шақырылды. Спикер көпшілік алдында еркін әрі сенімді сөйлеудің психологиялық қырлары, әсерлі коммуникацияның негізгі қағидаттары, дауыс пен дикцияны басқару, эмоциялық интеллектті дамыту мәселелері бойынша мазмұнды әрі тәжірибелік кеңестер ұсынды.

Шеберлік сабағы барысында студенттер интерактивті жаттығуларға қатысып, аудиториямен жұмыс істеу, ойды жүйелі жеткізу және өзін кәсіби тұрғыда таныта білу дағдыларын тәжірибе жүзінде шыңдады.

Аталған іс-шара Тұрақты даму мақсаттарымен сабақтасып, ТДМ 4 – «Сапалы білім», ТДМ 5 – «Гендерлік теңдік», ТДМ 8 – «Лайықты жұмыс және экономикалық өсу» бағыттарын қамтыды.

Шеберлік сабағы студенттердің болашақ кәсіби қызметінде маңызды саналатын сенімді сөйлеу мәдениетін қалыптастыруға, жеке бастамашылдығын арттыруға және көпшілік алдында өзін еркін ұстауына ықпал етті.

2025 жылғы 18 желтоқсанда Менталды денсаулықты дамыту орталығының ұйымдастыруымен Қазақ ұлттық қыздар педагогикалық университетінің Кәсіптік білім беру колледжінің студенттеріне арналған емтихан алдындағы мотивациялық тренинг өткізілді.

Тренингтің негізгі мақсаты — студенттерге емтихан кезеңі қарсаңында психологиялық қолдау көрсету, күйзеліс деңгейін төмендету және ішкі ресурстарын нығайту болды.

Іс-шараның спикері — Менталды денсаулықты дамыту орталығының коуч-психологы Мусина Сара Смановна. Ол студенттермен емтихан кезінде сабыр сақтауға, ойдың айқындығын ұстап тұруға және психологиялық тепе-теңдікті сақтауға көмектесетін практикалық әдістер мен ұсынымдармен бөлісті.

Кездесу барысында стресс пен емтихан алдындағы мазасыздықты басқару, өз күшіне деген сенімділікті арттыру, ішкі мотивация мен эмоциялық тұрақтылықты қалыптастыру, жоғары оқу жүктемесі кезеңінде зейінді шоғырландыру және өзін-өзі реттеу дағдыларын дамыту мәселелеріне ерекше назар аударылды.

Аталған игі бастама БҰҰ-ның Тұрақты даму мақсаттарының бірі – ТДМ 3: «Денсаулық және амандық» бағыты аясында жүзеге асырылып, жастардың психикалық денсаулығын нығайтуға және өмір сапасын арттыруға бағытталған.

Менталды денсаулықты дамыту орталығы алдағы уақытта да студенттерге қолдау көрсетуге, олардың психологиялық тұрақтылығын арттыруға және қолайлы білім беру ортасын қалыптастыруға бағытталған бағдарламалар, кездесулер мен тренингтерді жалғастырады.

Тұлға қалыптастыру департаменті, Қыздар көшбасшылығы мен кәсіпкерлік орталығы білім алушылардың soft skills дағдыларын дамыту және тұлғалық өсуін қолдау мақсатында «Көшбасшылық мінез: бойдағы лидерлікті ояту» атты мотивациялық кездесу ұйымдастырды.

Кездесудің спикері – психолог және отбасылық кеңесші Айдархан Жанайым болды. Шараның мақсаты – студенттердің эмоция мен мінез арасындағы байланысты түсіну арқылы ішкі тепе-теңдікті қалыптастыруына, өзін-өзі басқару дағдыларын дамытуына және тұлғалық тұрақтылықты нығайтуға психологиялық қолдау көрсету.

Іс-шара барысында қатысушылар әртүрлі тренингтерге, қарым-қатынасты дамытуға арналған ойындар мен көшбасшылық қасиеттерді оятуға арналған практикалық жаттығуларға қатысып, өз дағдыларын жетілдірді.

Мотивациялық кездесу студенттердің эмоционалды тұрақтылығын арттыруға, өз-өзін тану деңгейін көтеруге және болашақта көшбасшылық қабілеттерін тиімді қолдануға ықпал етті. Сонымен қатар әр институттан келген қатысушылар өзара тәжірибе бөлісіп, жаңа білім алу және психологиялық қолдау алу мүмкіндігіне ие болды.

Бұл мотивациялық шара БҰҰ-ның Тұрақты даму мақсаттарымен үндесіп, IV – «Сапалы білім», V – «Гендерлік теңдік» және VIII – «Лайықты жұмыс пен экономикалық өсу» бағыттары негізінде ұйымдастырылды.

Тұлға қалыптастыру департаменті, Қыздар көшбасшылығы және кәсіпкерлік орталығы білім алушыларға арналған құқықтық сауаттылық бойынша ақпараттық кездесу өткізді.

Шараның спикерлері заңгерлер – Азамат Аблқаевич және Альбина Бахтиярқызы жастардың құқықтық мәдениетін арттыру, жауапкершілік сезімін күшейту және өмірлік маңызды дағдыларын дамыту бағытында мазмұнды ақпарат ұсынды.

Кездесудің басты мақсаты – білім алушылардың құқықтық мәдениетін қалыптастыру арқылы олардың академиялық жетістіктері мен көшбасшылық қабілеттерін нығайту. Іс-шараға қатысқан 1–2 курс студенттері күнделікті өмірде, оқу барысында және болашақ кәсіби ортада құқықтарын қорғаудың маңызын түсініп, негізгі міндеттері туралы жан-жақты мәлімет алды.

Спикерлер құқықтық сауаттылықтың жеке тұлғаның қалыптасуы мен кәсіби табысына тікелей әсер ететінін атап өтіп, құқықтық мәдениеттің қоғамдағы азаматтық белсенділікпен тығыз байланысты екенін жеткізді. Заңгер құқықтық сауаттылықтың тек заңды білу ғана емес, сонымен қатар өз құқығын тиімді пайдалану, қауіпсіздікті қамтамасыз ету және жауапкершілік мәдениетін қалыптастырудағы рөлін ерекше атап өтті.

Ақпараттық кездесу БҰҰ-ның Тұрақты даму мақсаттарымен үйлесіп, IV — «Сапалы білім», V — «Гендерлік теңдік» және VIII — «Лайықты жұмыс және экономикалық өсу» бағыттарының жүзеге асуына өз үлесін қосты.

Тұлға қалыптастыру департаменті, Қыздар көшбасшылығы және кәсіпкерлік орталығы студенттердің тіл үйренуге деген ынтасын арттыру мақсатында «Шет тілін эффективті үйрену жолдары» атты мотивациялық кездесу ұйымдастырды.

Кездесудің мақсаты – шет тілдерін меңгерудің тиімді әдістерін таныстыру, студенттердің танымдық белсенділігін арттырып, олардың академиялық және тұлғалық дамуына қолдау көрсету болды.

Іс-шараның құрметті қонағы – полиглот, кәсіпкер, Jetil.kz шет тілдер мектебінің негізін қалаушы, Жапонияның Цукуба университетінің түлегі, халықаралық JASSO стипендиясының иегері Мади Фазыл.

Кездесу барысында спикер шет тілдерін тез әрі нәтижелі меңгеруге мүмкіндік беретін әдіс-тәсілдермен бөлісті. Ол халықаралық білім алу тәжірибесі, шетелдік ортада дамудың ерекшеліктері және өз кәсіби жолындағы маңызды кезеңдер туралы әсерлі баяндады. Студенттер үшін бұл кездесудің мотивациялық маңызы ерекше болды: олар шет тілдерін меңгерудің заманауи тәсілдерімен танысып қана қоймай, маманнан тікелей кәсіби кеңес алды. Қатысушылар спикерге өздерін қызықтырған сұрақтарын қойып, шет тілін үйренуде кездесетін қиындықтарды қалай жеңуге болатыны туралы нақты ұсыныстар мен пайдалы ақпарат алды.

Іс-шара Тұрақты даму мақсаттарымен тікелей үндеседі: ТДМ 4 – Сапалы білім беру: шет тілдерін үйрену арқылы жаһандық білім ресурстарына қол жеткізу, ТДМ 5 – Гендерлік теңдік: қыздардың білім алу мүмкіндігін кеңейту және олардың көшбасшылық қабілетін дамыту, ТДМ 8 – Лайықты жұмыс және экономикалық өсу: еңбек нарығында бәсекеге қабілетті болуға жол ашу.

Бұл мотивациялық кездесу студенттердің білімге деген қызығушылығын арттырып, олардың кәсіби дамуына, тұлғалық өсуіне және шет тілдерін тиімді меңгеруіне жаңа серпін берді.